مشكلتك مش في العريس.. مشكلتك في أخوكي اللي هيطفّش كل عريس!!

أنا مشكلتي كبيرة جدا ويا ريت تحلّوها لي في أقرب وقت.. أنا
عندي 21 سنة حبيت مرة واحدة بس فشلت.. المهم أنا مشكلتي بتكمن في تسلّط
أخويا الكبير، كل حاجة عنده أنا باعملها غلط، بيشك فيّ لأبعد الحدود، أنا
الحمد لله محجبة ولبسي محترم جدا ومش عاجبه أي حاجة في لبسي، أنا اتخنقت
خلاص.. هو بيتحكّم في كل حاجة، وطبعا عشان هو الكبير ماحدش بيكلّمه، فأنا
بجد اتخنقت وكرهت الدنيا.

تاني مشكلة.. أنا متقدّم لي واحد شافني في فرح هو سعودي، بس
متجوّز وسِنه صغير (27 سنة) أنا موافقة عليه، بس في نفس الوقت بافتكر حبيبي
الأولاني، وأخويا شايف إنه ماينفعش وبيقول لي إنتي أكيد كان ليكي علاقة
بيه قبل الفرح، مع إني والله العظيم ما اعرفهوش إلا يوم الفرح.. أنا اتخنقت
قرّبت أموت ولا باكل ولا باشرب ولا بانام، وأنا عيبي إني صريحة جدا معاه
حتى لو غلطت باجي أقول له إني غلطت، بس دلوقتي مش باقول له على أي حاجة أنا
بدأت أكرهه، وكل اللي في البيت بيمشّوا كلمته وبس.

بجد حد يفيدني أعمل معاه إيه.. والعريس ده أوافق عليه ولا لأ؟

شاركونا بأرائكم

» عريس للبيع
» تغلّبي على مشكلتك بالنسيان والاعتماد على الله
» عن الحياة اللي بقت "وحشة أوي"
» اللي فات مات.. ولا يبقى سوى ذكريات
» خطيبي بيحبني بس أنا اللي باصرف عليه