محمود السبع اوسمتى
عدد المساهمات : 782 تاريخ التسجيل : 08/06/2011 العمر : 57 الموقع : https://www.facebook.com/profile.php?id=100001676606043
| موضوع: عمره ما حبك السبت يوليو 16, 2011 7:47 pm | |
|
مشكلتي إني حبيت واحد أوي، وهو كمان كان بيعمل كل حاجة تثبت لي إنه بيحبني؛ قرّبني من أهله، وحبيتهم أوي، وفجأة ابتدى يتغير معايا أوي، ويعلق على كل حاجة، وبعدين يصالحني ويقول لي: كان لازم أحسسك إنك غلطانة؛ عشان مايتكررش تاني اللي إنت عملتيه؛ عشان لو غلطتِ في الصغيرة هتغلطي في الكبيرة.. وبعد سنة سابني؛ عشان نسيت أبعت له رسالة أقول له إني خلاص نزلت.تعبت أوي، وكلمته وكلمت مامته، والكل شاف إني ماغلطتش لدرجة إنه يسيبني، وبعديها اتكلمنا سوى، ومن كتر قسوته انفعلت، وقلت له: إنت ماكنتش عايز واحدة محترمة، وبجد منك لله.. قال لي: إنتِ بتدعي عليّ؟ خلاص، انتهى.وفضلنا 5 شهور سايبين بعض، وعرفت إنه رجع لبنت كان يعرفها قبلي، بس عمره ما عرّفها على أهله، وكان دايماً بيقول لي: أنا كنت معاها، وعارف إنها عمرها ما هتكون في بيتي، بعد كده حصلت مشكلة، إن فيه واحدة كلمته وهددته، وقالت له إنها صاحبتي، ونفس الرقم كان بيبعت لي رسايل على إنه واحد.. والمشكلة دي جمعتنا تاني، وبدأنا نتكلم عشان؛ نحلها، واتفقنا إننا أصحاب وإخوات؛ بس مع الأسف أنا مش قادرة أتعامل معاه غير إنه حبيبي، وبقالي 5 شهور عايشة على إنه جنبي وهيرجع لي.وهو لما يلاقي حد بيهزر معايا ولو بكلمة خفيفة بيشدّ معاه في الكلام، وتحصل مشكلة، ويكلمني ويزعق لي، وبعدين هو ساب البنت دي؛ بس برضه بيقول لي إنه مش قادر ينسى الكلام اللي أنا قلته، وربنا يعلم إنه كان عايزني؛ بس مش قادر ينسى إني قدرت أقف قدامه وأتكلم وأزعق، أنا مش عارفة أعمل إيه، ولا قادرة أبعد ولا قادرة نكون إخوات.شاركونا بأرائكم
| |
|