هو ممكن حد يحب واحدة من غير ما يشوفها؟!

أولا أحب أن أشكركم على الموقع الجميل والمحترم ده؛ بس عندي مشكلة
وعايزة أسمع رأيكم المحترم.. أنا في مرة لقيت رقم غريب بيرن على الموبايل،
فرديت وبعدين لقيته بيسألني على حاجة كده، قلت: "لا والله.. النمرة غلط"،
وبعد كده لقيته، بيقول لي: "طيب إنتي منين؟ واسمك إيه؟" فماردتش عليه وقفلت
السكة.. بعديها بيومين لقيته بعت لي مسج فيها اسمي وعنواني، وبعدين اتصل
وكلمته لقيته بيقول لي اسمي، فقلت له: "إنت تعرفني؟!"، قال لي: "لا والله
أبدا"، قلت له: "أمال أنت جبت اسمي وعنواني منين؟؟!"، قال لي: "من على
النت".

بعد كده بقى يبعت لي رسايل ويرن، وبعدين بعديها بفترة كبيرة
كده لقيته بيقول لي إنه أساسا مش من بلدي ومن بلد تانية، وبيقول إنه
بيحبني ومتعلق بيّ بعد كلام طويل معاه يعني.. فالمهم قال لي: "أنا عايز أجي
أخطبك"، وهو معاه مؤهل متوسط، وأنا بادرس في الجامعة، وعمره ما شافني، فهل
من الممكن إن حد يحب واحدة من غير ما يشوفها؛ حتى إن كانت حلوة ولا وحشة
مجرد من سماع صوتها؟! إزاي أرجو الرد ضروري