ليه مش قادرة أحبه؟

[ندعوك للتسجيل في المنتدى أو التعريف بنفسك لمعاينة هذا الرابط]

أنا حابّة آخد رأيكم وأعرف تعليقكم، أنا مخطوبة من حوالي 5
شهور، وخطيبي الحمد لله إنسان محترم وملتزم وده اللي عجبني فيه.. لما شفته
وعجبني تفكيره أوي وطبعا ماوقفتش عند الشكل؛ لأن ده أكيد مش المهم، بصرف
النظر عن اللي كنت باحلم بيه. وهو بيحبني جدا وأنا حاسة بصدق مشاعره جدا
معايا، وبخوفه عليّ وصراحته معايا، وهو حكى لي إنه زي أي شاب عرف بنات، لكن
ما عملش حاجة أكتر من التعارف.

المهم أنا مش قادرة أتأكد من مشاعري
أنا ناحيته؛ ساعات بحب أقعد أتكلم معاه وأسمعه، وساعات لأ، وباسأل نفسي
دايما أنا ليه مش قادرة أحبه زي ما هو بيحبني، ودايما باسأل نفسي أنا هاقدر
أكمل ولا لأ، هل أنا بحبه ولا بس متعودة عليه، يا ريت أسمع تعليقكم.
وشكراااا.

Dandonado

رئيكم يسعدنا فشاركونا بأرائكم

» إحساسي بالذنب مش مفارقني ومش قادرة أنسى