تخينة وأمها حشرية.. لازم أفسخ خطوبتي معاها

أنا شاب عمري 27 سنة، كنت خاطب، وبعدين خطيبتي تخينة، والموضوع
ده كان مضايقني جداً، هتسألوني: خطبتها ليه؟ هاقول لكم: ضغط من والدتها
ووالدتي عليّ وأنا كنت طالع من تجربة حب فاشلة؛ كنت حبيت بنت كندية من أصل
جزائري وموقف أهلي من الخطوبة خوّفهم من سفري -وأنا أكبر إخواتي- ومن
المجهول؛ فأصروا إني أخطب البنت دي عشان يربطوني جنبهم.

المهم تمت الخطوبة وعاملتها بما يُرضي الله؛ حب، ودلع، وهزار،
وجد، وأخلصت لها.. لكن مامتها متسلطة، ووالدها رجل طيب جداً بس ضعيف
الشخصية، البنت بتحكي كل حاجة لأمها، ومامتها مدرّسة مع والدتي في مدرسة
واحدة، وبتحكي كل حاجة عني في المدرسة على الملأ، واللي عرفته إنها بتحكي
عن أسرارها الشخصية؛ حتى أسرار فراشها.

اتكلمت مع خطبيتي كذا مرة، مافيش فايدة، كله بيتحكي أول بأول،
وأمها بتقول لي على كل حاجة بيني وبين بنتها.. وكان مقري فاتحتها ثلاث مرات
وقالوا لي مرة واحدة وخبّوا عليّ.

أنا محامي في مكتب محاماة بـ300 جنيه، ومامتها كلمت قريبها يشوف
لي شغل في شركة بدخل صافي 1200 جنيه، ذهبت للقاهرة مرتين وعملت مقابلة
ونجحت واستلمت شغلي ونزلت معايا خطيبتي ومامتها وباباها اشترينا السيراميك.

وبعدها ما استحملتش وقررت أفكّ الخطوبة.. ودلوقتي البنت صعبت عليّ، وحاسس بالذنب ناحيتها.

H.M

[b]شاركونا بأرائكم
[/b]

[b][b][/b][/b][b][b][/b][/b]

تزوجها وربنا يكون فى عونك