طريق...الشيطان

في ناس اختارت طريق الشيطان وللاسف ضحك عليهم واتمكن منهم


و نسيوا دينهم وبدلوا حياتهم اللي اساسها طاعه ربنا سبحانه وتعالي

......
وبقي اكبر همهم الدنيا ومتعها.... اللي هي في الاخر فانيه


عارفين يا جماعه اصلا ربنا سبحانه وتعالي خلقنا ليه؟؟؟؟؟


ملك الملوك جل في علاه خلقنا علشان نعبده ونذكره دايما


وجعل لنا الدنيا وسيله علشان نعيش فيها ونحمده سبحانه علي نعمه علينا


ماهو سبحانه وتعالي بيقول


وما خلقت الجن والانس الا ليعبدون


علشان كده اخواني واخواتي عاوزين نفكر كويس اووووي قبل ما نختار طريقنا وهدفنا


عاوزين نخلي طريقنا هو السعي لرضا ربنا علينا وهدفنا هو الجنـــــــــه


ايوه الجنه...ربنا يكتبهالنا كلنا بدون سابقه عذاب او حساب يااااااااارب


وعلشان نوصل للجنه لازم نمشي في طريقنا الصح



اسمعوا معايا كده الحديث ده

قالَ رسولُ اللهِ صلى اللهُ عليهِ وسلمَ: "لا تزولُ قَدَمَا عَبْدٍ يومَ القيامةِ حتى يُسألَ عنْ أربع ٍ عنْ عُمُرِهِ فيما أفناهُ وعنْ جسدِه فيما أبْلاهُ وعنْ مالهِ مِنْ أيْنَ أخذهُ وفيما أنْفَقَهُ وعنْ عِلمِهِ ماذا عَمِلَ بهِ".



قولى بقى أيه الفايده انك تضيع وقتك بتسمع فيديو كليب او فيديو اباحى او صور عاريه او بتقرأ قصص أباحيه



او بتتكلم مع الجنس الاخر فى كلامات محرمه ياترى ده بقى اسمه ايه وهترد على الرحمن ازاى يوم ما يسألك وقت ضيعته فى أيه



بينك وبينها واصدق معها



هكذا بداية طريق الفلاح والصلاح .. فلابد من .. وقفة مع النفس

يَا أَيُّهَا الَّذِينَ آمَنُواْ اتَّقُواْ اللّهَ وَكُونُواْ مَعَ الصَّادِقِينَ





اصدق الله .. يصدقك .. واله العظيم سيصدقك

يقول الله تبارك وتعالي " فلو صدقوا الله لكان خيراً لهم" سورة ص 110

وقال رسول الله صلي الله عليه وسلم "إن تصدق الله .. يصدقك"





يعني يا شباب عاوزين نخلي لحظه وثانيه بنعيشها تكون في طاعه الله


نشتغل بضمير.. ونذاكر بضمير ...ونفيد غيرنا باللي اتعلمناه..

خلونا دايما ندعي ونقول اللهم اعنا علي ذكرك وشكرك وحسن عبادتك


واهدنا لما تحب وترضي يا ارحم الراحمين


خلي دايما هدفك واضح ومحدد قدامك


انا عايش علشان بستعد لحياتي الاهم


بشتغل وبسعي وبحب وتجوز وبلعب وبفرح واوقات كتير بزعل



بس مش بنسي ان حياتي دنيا فانيه والاهم هو رضا ربي عليا في الدينا والاخره

وقال تعالى : ( وَهُوَ الَّذِي أَنْشَأَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَا تَشْكُرُونَ) (المؤمنون:78)

لا تنسونا من صالح دعائكم فما نحن الا شباب مثلكم طامعون فى الهداية