خيركم أنفعكم للناس

[ندعوك للتسجيل في المنتدى أو التعريف بنفسك لمعاينة هذا الرابط]

مش عارفة أقول إيه؛ بس باختصار الوحدة والفراغ بيقتلوني
بالبطيء، عملت كل حاجة عشان أقدر ألهي نفسي؛ لكن مافيش فايدة، مهتمة
بدراستي ومحاضراتي، وباحضر كورسات لغات؛ ده غير شغل البيت لأن أمي متوفاة،
وأنا اللي مسئولة مسئولية كاملة عن البيت وعن أخويا الصغير؛ وحتى بالهي
نفسي إني باذاكر له.

أنا مقسمة الأسبوع كله على المهام دي، ومش
مخلية اليوم فيه كل حاجة، عشان مايكونش روتين وأزهق أكتر؛ هي بس المحاضرات
والكورسات اللي أيامها ثابتة.. وباخرج أحياناً مع أصحابي أو قرايبي؛ يعني
مش حابسة نفسي؛ ومع ذلك حاسة بوحدة وفراغ هيقتلوني لأن على قد ما فيه ناس
حواليّ كتير بحبهم وبيحبوني؛ لكن دايماً باحسّ إني وحيدة في وسطهم، وعلى قد
ما أنا شخصية مرحة والحمد لله وباضحك كتير وباهزر كتير؛ لكن جوايا حزين
جداً.

[b]أنا دايماً بافضفض هنا لأني باحترم رأيكم جداً، ودايماً
بانفّذه؛ لأنه رأي كله حكمة وبيريّحني.. قولوا لي بقى أعمل إيه؟ مع العلم
إني والحمد لله باحاول أقرّب من ربنا، وباتقي ربنا في نفسي، ومش باحاول
أعمل حاجة تغضبه؛ خصوصاً إني رقيبة نفسي، ولازم أراعي ربنا في نفسي وفي كل
حاجة أنا باعملها.

[b]شاركونا بأرائكم معنا[/b][/b]

[b][/b]

شكرا على المجهود الرائع