أنا جت لي صدمة ماقدرتش أردّ وهو افتكر سكوتي إيجابي لكلامه

[ندعوك للتسجيل في المنتدى أو التعريف بنفسك لمعاينة هذا الرابط]

أنا عندي 30 سنة، محامية بقالي أكتر من خمس سنين، باشتغل مع
إنسان محترم جداً، متزوج وعنده أولاد، وزوجته ما شاء الله عليها ربنا يبارك
له فيها.

المهم الإنسان ده بالنسبة لي كان أخ لمدة الفترة اللي كنت
فيها معاه، وفجأة بعد السنين دي كلها، جالي من شهرين يعترف لي بحبه ليّ..
أنا جت لي صدمة، ماقدرتش أردّ، هو افتكر سكوتي إيجابي لكلامه.

وعلشان
أنا بحب زوجته وباحترمه، بدأت أغير معاملتي معاه علشان يعتبرني أخت ليه،
وبالفعل بدأت أكلمه إنه مايهدمش البيت اللي بناه، وإننا إخوات، ولقيته
بيصمم كل يوم على ارتباطه بيّ.

حصل لي ظروف؛ فأخذت إجازة اتغيرت
فيها حاجات كتير أوي؛ كان معايا واحدة زميلتي في المكتب عرّفتها اللي حصل
منه.. وبعدين لقيتها باتقرّب منه، وهو كمان قرّب منها.. ولأني باحترمه
ماكانش ينفع أواجهه باللي أنا عرفته؛ بس بكل بساطة سيبت الشغل، وهو عرف إني
عرفت كل حاجة؛ لكن ماهانش عليه يتصل ويبرر الموقف أو يعتذر.

المشكلة دلوقتي إنه تعبان صحياً ومحتاج حد معاه علشان شغله؛ بس أنا مش قادرة أشتغل معاه لأنه كذاب وخاين..

أنا
محتاجة أعرف أعمل إيه، وهل من حقي أزعل لكرامتي منه، ولا من زميلتي ولا
أعمل إيه؟ أنا فقدت الثقة في كل اللي حواليّ؛ لأن الشخص ده كان بالنسبة لي
هرم كبير جداً، وخيّب ظني ونظرته ليه.

ننتظر مشاركتكم وارائكم وحلولكم