مش حاسة بطعم الخطوبة

[ندعوك للتسجيل في المنتدى أو التعريف بنفسك لمعاينة هذا الرابط]

أنا بنت عادية جداً ورومانسية أوي، طول عمري لوحدي، ماحدش كان
بيحاول يقرّب مني لأني كنت هادية؛ بس ده مع الناس اللي ماتعرفنيش؛ بس اللي
كان بيعرفني غير كده خالص.

كان عندي أخت، كنت بحبها أوي؛ بس بنات خالاتي بعّدوا بينّا أوي
لحدّ ما كرّهوها فيّ، علشان أنا ماكنتش بارضى أكلم صبيان ولا أي حاجة خالص،
عمري ما فكّرت أعمل حاجة غلط، علشان كده خسرت ناس كتيرة، وأختي اتوفت،
وبقيت لوحدي خالص، ماليش حد حتى أتشاكس معاه.

كنت وأنا صغيرة بحب ابن عم ماما؛ بس إحساس عيلة، وعمري ما تخيلت
إنه ممكن يكون بيحبني.. وبعد وفاة أختي بحوالي 5 شهور طلب مني رقم
التليفون، كنت بصراحة اليوم ده متوقعة كده منه، ومش عارفة ليه.. المهم
أعطيته له الرقم على أساس إنه قريبي، والمهم إنه طلع بيحبني من زمان أوي،
وكان قايل لأخته؛ بس كان خايف إني أصده؛ فقلت لماما إني عايزة أكلمة وكده،
ماما اعترضت في الأول على أساس إن معاه دبلوم صنايع؛ بس هو بيكمل دراسته،
وكان بيشتغل في محل وكده.

المهم فضلت معاه، وحسيت بحبه ليّ، وأنا حبيته جداً، وأكتر واحد
بقى قريب مني، وحسيت إني مش لوحدي والمهم اتقرأت فاتحتنا؛ بس حاجات حصلت
بينّا خلتني مش حاسة بطعم الخطوبة، ومتأكدة إنه بيحبني؛ بس من كتر المشاكل
مابقيتش حاسة بحاجة.

نفسي أرجع أحس بطعم الخطوبة، مش عارفة إزاي، يا ريت تردوا عليّ.
شاركنا برأيك واعطى النصيحة

» حبيبتي قالتلي إنها حاسة إنها مش هتبقى ليّ