علشان إنت مختلفة دخل عليكِ دخلة مختلفة

أنا فتاة عندي 22 سنة، وباتعامل مع أي شاب في حدود الدين
والأخلاق والتقاليد في مجتمعنا، وليس لي أصحاب ولاد؛ ولكني تعرفت على شاب
يظهر عليه التدين والأخلاق؛ إلا أنه عرف بنات كتيرة جداً وهو بيعاملني
معاملة حلوة أوي، وبيقول لي إني غير أي حد عنده.

وأنا مش عارفة أعامله إزاي ولا أعمل إيه معاه، وطلب مني رقم
التليفون وأنا رفضت؛ لأني خفت أكون زي أي بنت يعرفها، وأنا مش بحب أكلم
أولاد ويكون لي أصدقاء أولاد.

مش عارفة أنا غلطانة إني مادتهوش الرقم على الرغم من إنه شاب
كويس، ويمكن يكون كلامه إعجاب أو حب، ولا أنا صح في اللي عملته، ولما أتأكد
منه الأول؟

وأعامله إزاي دلوقتي؛ لأن هو كلامه كله إنه بيحب الكلام معايا، وإني باوحشه، وإني مختلفة عن باقي البنات، وإنه بيعجب بطريقتي وعقلي.
Mar.mar

شاركونا ارائكم فى هذة المشكلة

» معمول لي عمل علشان أخون جوزي!!